Ashoor Ki Shab Zainab Ne Kaha

Ashoor ki shab Zainab ne kaha,
Ay raat zara ahista guzar
Ehsaan tera mujh pa hoga,
Ay raat zara ahista guzar

Lut jayayenge kal khaimay saray,
Jal jaegi masnad Ahmed ki
Hojaega kal khaali jhoola,
Ay raat zara ahista guzar

Suljhane baethi hai Laila,
Akber ki bikhri zulfein
Maloom nahi kal kia hoga,
Ay raat zara ahista guzar

Kal pyaase barati ayengay
Kal Qasim ki shadi hogi
Hojaengi kal Kubra beywa,
Ay raat zara ahista guzar

Abbas-e-Alamadar bhi,
Talwar pa saeqal karte hai,
Kal unko hai johar dikhlana,
Ay raat zara ahista guzar

Ek baar apne bharay ghar ko,
Jee bharke dekh tu ley Zainab,
Kal hojaega sannata,
Ay raat zara ahista guzar

Kis yaas se aur kis hasrat se, Zainab ye bayan karti thi Saeed,
Ahista guzar ay raat zara,
Ay raat zara ahista guzar